Hemşaredaranê Şaredarîya Şaristanê Girdî Serra Bucak û Dogan Hatunî, cayê ke yê şaredarîye yê, ca de kontrol kerdî.

Hemşaredaranê Şaredarîya Şaristanê Girdî Serra Bucak û Dogan Hatunî tayê cayê cîya-cîyayî ke Serekîya Daîreya Xurtkerdişê Çimeyan de est ê, ca de kontrol kerdî. Zîyaretî de, derheqê nê cayan de ke bi fonksîyonanê sey kompleksê sporî, merkezê perwerdeyî, merkezê piştîdayîşê cinîyan bêrê xebitnayene, fikrî ameyî qiseykerdene.

Hemşaredaran Bucak û Hatunî, Bazarê Semtî yê Baglarî ke vernîya Parka Newroze de yo, cayê parka akerda ke vera Mudirîya Makîne Îkmal de yo, hîrê bufeyî û yew parka girewta ke Çarşîyê Vedat Dalokay de yê, ca de kontrol kerdî. Derheqê nê cayan de ke senî eşkenê hetê xizmetanê şaredarîye ra bêrê xebitnayene, fikrî ameyî parekerdene.

Kontrolan de Hemşaredaran reyde Hemşaredarê Şaredarîya Baglarî Siraç Çelîk, Hetkarê Sekreterê Pêroyî Ozgur Yildiz, Reşat Bakan û Azîz Ozdogan, Serekê Daîreya Xurtkerdişê Çimeyan Bahattîn Akboga û Serekê Daîreya Karê Fenî Serdar Bakiroglu bîyî.