Şaredarîya Şaristanê Girdî, seba têkoşînê vera afatan, şaredarîyanê qezayan reyde bi bingeyê koordînasyon û hemkarîye mîyanê rayberîyanê herêmkî de kombîyayîşêk organîze kerd.

Serekîya Daîreya Karê Afatan, kombîyayîşêko bi sernameyê "Rayberîyê herêmkî û afate" organîze kerd. Kombîyayîşî de ke bi beşdarîya şaredarîyanê qezayan virazîya, derheqê Polîtîkayanê Îdarekerdişê Afatan û xebatanê ke Planê Stratejîk ê 2025-2029 de ameyê hedefkerdene û Planê Aktîvîteya Afatan yê Tirkîya (TAMP) û Planê Kêmkerdişê Rîskê Afatan yê Bajarî (IRAP) ke şaredarîyî tede partnerê çareyî yê, melumatî ameyî dayene.

Kombîyayîşo ke bi serekîya Serekê Daîreya Karê Afatan Azat Yildizî virazîya, tede sernameyanê muhîmîya Mudirîyanê Şûbeyê Afatan, xebatanê ke seba akerdişê mudirîyanê şaredarîyan ke hema nêabîyayê, xebatanê akredîtasyonê gêrayîş û xelesnayîşî, revîzyonê cayanê arêbîyayîşî ke tespît bîyê, ardişê înan ê halê şuxulnayîşî û xebatê stokanê awanîyan ser o munaqeşe bî.

Kombîyayîşî de qerarê dewamkerdişê kombîyayîşanê koordînasyonî ame girewtene û tarîxê kombîyayîşê bînî sey 25ê Nîsane ame tespîtkerdene.