Şaredarîya Amedî ya Şaristanê Girdî, pê ekîbanê xo yê Serekîya Daîreya Karê Weşîye dest bi kontrolanê xidayan kerd.

Ekîbê şaredarî ke girêdayeyê Serekîya Daîreya Karê Weşîye û yê Zabita yê, Aşma Remazanî ra ver kontrolanê xo dewam kenê. Na çerçewa de lokanta, pastane, îmalatxane û tesîsanê werdî ke rasterast eleqedarê weşîya şarî yê, ameyî kontrolkerdene.

Ekîbê Şaredarîya Şaristanê Girdî ke girêdayeyê Serekîya Daîreya Karê Weşîye û yê Zabita yê, Aşma Remazanî ra ver kontrolanê xo 17 qezayanê merkezî û teberî de dewam kenê.

'Aşma Remazanî de ma 4 ekîbê îlaweyî awan kerdî'

Serekê Daîreya Zabita Veysî Ruzdarî ke derheqê kontrolan de melumatî dayî, dîyar kerd ke înan 4 ekîbê îlaweyî afirnayî û pêroyê Aşma Remazanî de do kontrolanê xo dewam bikerê ke weşîya şarî bipawê. "Ma ewro kontrolê xo yewinî kerd û do kontrolê ma dewam bikê."

'Hedefê 0 problem o"

Ruzgarî wina dewam kerd, "ekîbê ma yê daîmî tim est bî la seba Aşma Remazanî ma 4 ekîbê neweyî îlawe kerdî û ma do qezayanê xo yê teberî de zî kontrolanê xo dewam bikê. ma cehd kenê şarê ma qet problemêk zî nêvîno. hedefê ma 0 problem o."