Koordînasyonê Kontrolê Xidayan ke rayberîya Şaredarîya Amedî ya Şaristanê Girdî de ronîyayo, kontrolanê verê aşma Remezanî de, îmalatxaneyêk de 444 lître şito ke tarîxê şuxulnayîşê ci vîyarto ame tepiştiş.

Serekîya Daîreya Karê Weşîye, verê aşma Remezanî de seba ke şar bieşko xidayanê weşan û emînan dest fîno, kontrolî zêde kerdî. Na çarçewa de Koordînasyonê Kontrolê Xidayan de ke ekîbê Serekîya Daîreya Karê Weşîye û Serekîya Daîreya Zabita tede ca gênê, kargehanê sey lokanta, pastane û îmalatxaneyan de kontrolanê xo dewam kenê.

Kargehî rê prosesê huqûqî ame tetbîqkerdene

Kontrolan de îmalatxaneyêkê qezaya Yenîşehîrî de tesbît bî ke tarîxê şuxulnayîşê 444 lître şitî vîyarto. Ekîban ke şit îmha kerd, kargehî rê prosesê huqûqî tetbîq kerd.

Ekîbî, aşma Remezanî de zî do kontrolanê xidayan bi hawayêko binîzam dewam bikerê û vera rewşan ke weşîya şarî tehdît kenê, tedbîran bigîrê.