Şaredarîya Amedî ya Şaristanê Girdî, Merkezê Cuya Aktîfe de bi programanê perwerdeyî 328 astengdaran rê xizmet dana.

Serekîya Daîreya Xizmetê Astengdar û Pîran, seba xoserîya kesanê astengdaran ya cuya rojaneyî û beşdarîya înan a cuya sosyale, programê rehabilîtasyonî û perwerdeyanê cîya-cîyayan dana.

Merkezê Cuya Aktîfe de ke mîyanê Park Ormanî de yo, kesê astengdarî ke qabilîyetê sosyalî û zihnî sewîyeyanê cîya-cîyayan de vindî kerdê, nê perwerdeyan ra îstîfade kenê.

Perwerdeyî de, kesanê astengdaran rê qabilîyetê fîzîkî, zihnî, psîkolojîkî, sosyalî, meslekî û ekonomîkî yenê dayene. Tede atolyeyê mûzîkî, salonê sporî, atolyeyê komputure, atolyeyê hobî û kursê mitbaxî est ê.

Xizmetê Merkez 5 rojê hefteyî dewam kenê.