Hemşaredara Şaristanê Girdî Serra Bucak, beşdarê nawitişê fîlmê dokumenterî "Aweberdişê Royî: Serra 20. de Anatolia Kultur" bîye ke Merkezê Hunerî yê Mordemî de ame organîzekerdene.

Hemşaredara Şaredarîya Amedî ya Şaristanê Girdî Serra Bucak, beşdarê nawitişê fîlmê dokumenterî "Aweberdişê Royî: Serra 20. de Anatolia Kultur" bîye ke Merkezê Hunerî yê Mordemî de ame organîzekerdene. Dokumentero ke xebatanê 20 serranê Anatolia Kulturî îzeh keno, badê nawitişê xo yê verênî yê Îstanbulî, Amed de xo resna sînemaheskerdoxan. Nawitişî de Hemşaredare ra teber Sereka Daîreya Karê Sosyalî Zeynep Yaş, endamê meclîsê şaredarîye û zaf hunerheskerdoxî beşdar bîyî. Hemşaredare Bucak, vernîya nawitişî de beşdaran reyde sohbet kerd.

'Mûtewazîya dinya ya kultur û hunerî mojnena'

Hemşaredara Şaredarîya Şaristanê Girdî Serra Bucak derheqê fîlmî de wina qisey kerd: "Ma berd yew ca, çend hîsî est ê ke mi ra derbas bîyî. Mi sere de nê pêardişî ra zaf hes kerd, ez rejîsorî pîroz kena, ey çîyêko sade û mûtewazî viraşto. Mûtewazîya Anatolia Kulturî û dinyaya kultur û hunerî mojnena. Dinya de ke roje bi roje hîra bena, hîsê wefa zî rind ameyo nîşandayene."