Hemşaredaranê Şaredarîya Amedî ya Şaristanê Girdî Serra Bucak û Dogan Hatunî, çadirê fitarî yê Meydanê Berê Koyî de werd vila kerd û şarî reyde pîya fitarê xo kerd.

Çadirê fitarî ke Serekîya Daîreya Xizmetê Sosyalî Meydanê Berê Koyî, Nêweşxaneyê Perwerde û Cigêrayîşî yê Gazî Yaşargîl (Wasitaya Mobîle), Parka Ben û Sen a Qezaya Yenîşehîr û Parka Keyeyê Tenûre ya Qezaya Baglarî de ameyî akerdene, roja verêne ya aşma Remezanî de eleqeyêko zaf dî.

Hemşaredarê Şaredarîya Amedî ya Şaristanê Girdî Serra Bucak û Dogan Hatun, hemşaredaranê Baglar, Yenîşehîr, Sûr û Kayapinarî reyde, çadirê fitarî ke Meydanê Berê Koyî de ameybî ronayene, zîyaret kerd. Hemşaredaran ke werdê fitarî şarî rê vila kerd, şarî reyde fitarê xo kerd. Hemşaredarî, şarî reyde sohbet kerd û hêvî kerd ke rojeyê înan xêyrên bibo.

Hemşaredaran reyde, Hetkara Sekreterê Pêroyî Zerîn Turk, serekê daîreyan û endamê meclîsî est bîyî.