Hemşaredara Şaredarîya Amedî ya Şaristanê Girdî Serra Bucak, Balyoza Fransa ya Anqara Isabelle Dumont kerd meyman.

Balyoza Fransa ya Anqara Isabelle Dumont ke seba têkilîyanê cîya-cîyayan ameya Amed, û Mustêşarê Karanê Sîyasîyan yê Balyozxaneyî Kilian Vivien, Hemşaredara Şaredarîya Şaristanê Girdî Serra Bucak zîyaret kerd.

Hemşaredare Bucak, badê pêşwazîkerdişî Dumont reyde têhetameyîşêk kerd.

Hemşaredare Bucak ke keyf û şabîyayîşê xo yê zîyaretî ard ziwan, Dumont reyde babetanê aktualan ser o fikrî parekerdî.

Zîyaretî de Hetkara Sekreterê Pêroyî Zerin Turk û Endama Meclîsî Gulay Kiliç, Hemşaredare Bucak reyde bîy.