Hemşaredarê Şaredarîya Amedî ya Şaristanê Girdî Dogan Hatun, seba projeyanê enerjîyê newebîyayeyî û jeotermalî Hetkarê Mudirê Pêroyî yê Banka Averşîyayîşê Senayî ya Tirkîya Hasan Hepkayayî reyde ame têhet.

Hemşaredarê Şaredarîya Şaristanê Girdî Dogan Hatun, çarçewaya projeyanê enerjîyê newebîyayeyî û jeotermalî de, seba nirxnayîşê mekanîzmayê destek û fînansmanî, Îstanbul de Bankaya Averşîyayîşê Senayî ya Tirkîya (TSKB) reyde têhetameyîşêko muhîm kerd. Têhetameyîşê ke Hemşaredar Hatun û Hetkarê Mudirê Pêroyî yê Banka Averşîyayîşê Senayî ya Tirkîya Hasan Hepkayayî kerd, tede babetê şaredarîye de modelê hemkarîye seba enerjîyê newebîyayeyî ameyî destgirewtene.

TSKB seba ke nêeşkena sazîyanê şarîyan rê rasterast fînansman bido, bi taybetî seba projeyê enerjîya jeotermalî modelê rodevansî ame qiseykerdene. No model, şaredarîye seba ke projeyan biafirno, alternatîfêko munasib o yan ney, ame munaqeşekerdene.

Têhetameyîşî de Serekê Daîreya Xizmetê Malî Ozlem Tekin û Serekê Daîreya Etut û Projeyan Murat Akbaş, Hemşaredar Hatunî reyde bîyî.