Hemşaredara Şaredarîya Şaristanê Girdî Serra Bucak û Parlementera DEM Partî ya Amedî Sevilay Çelenk, Evin Yildirim rê ke 6 aşman ver 3 domanî pîya ardî dinya, zîyaretê hemparîye kerd.

Hemşaredara Şaredarîya Amedî ya Şaristanê Girdî Serra Bucak û Parlementera DEM Partî ya Amedî Sevilay Çelenk, seba ke bale biancê probleman ser ke cinîyê ke badê ardişê domanan hewceyîya înan bi destegê sosyalî zêde bena, û seba ke hîssê hemparîye biresnê, Evin Yildirim ke 6 aşman ver 3 domanî pîya ardî dinya, keyeyê ci de zîyaret kerd.

Yildirim ke zîyaretî de qisey kerd, bale ant giranîya keda pawitişî ser û dîyar kerd ke şertê ciwîyayîşî zor ê. Yildirim seba hemparîya ke amê mojnayene sipasîya xo kerde.

Zîyaretî de Hemşaredare Bucak îfade kerd ke, seba tedarîkkerdişê hewcedarîyanê bingeyînan şaredarîye do desteg bido.

Zîyaretî de endamê Meclîsê Şaredarîya Amedî ya Şaristanê Girdî Demet Ceylan û Emine Akin Hemşaredare Bucak reyde bîyî.