Kayê Keçelokî ke hetê Tîyatroyê Şaristanî yê Şaredarîya Amedî ya Şaristanê Girdî ra ame kaykerdene û behsê hêzê başî û safîye keno, hetê gedeyan ra eleqeyêko gird dî.

Kaykerdoxê Tîyatroyê Şaristanî yê Şaredarîya Amedî ya Şaristanê Girdî (DBŞT) ke binê Serekîya Daîreya Kulturî û Karê Sosyalan de xebatanê xo dewam kenê, bi programanê xo yê ke her aşme virazenê, dewam kenê ke temaşekerdoxan reyde bêrê têhet. Kayê Keçelokî ke programê aşma Adare de ca gêno û seba gedeyan o, Merkezê Kultur û Kongre yê Çand Amedî de ame kaykerdene. Kay, hetê gedeyan ra bi eleqe ame temaşekerdene. Kaykerdoxê Keçelokî ke gedeyî zî daxilê kayî kerdî, bi muzîk û reqsanê xo aleqeyê gedeyan ant.

Kayo ke Celîl Toksozî hîkayeya ci nuşta û îdare kerdo, açarnayîşê kurdkî zî Kawa Nemîrî kerd û Rêzan Kaya, Elvan Koçer û Şîlan Alagozî tede rol girewt, behsê serkewtiş, serbestî, pakî û weşî keno.