Şaredarîya Amedî ya Şaristanê Girdî, aşma Remezanî de badê Nimajê Terawîhî verê zaf camîyan de şarî rê şîranî vila kerde.

Serekîya Daîreya Çapemenî û Têkilîyê Şarî seba ke heme aşma Remezanî de têkilîya xo şarî reyde zede biko û waştişanê înan goşdarî bikero, standanê xo roja yewine ya aşma Remezanî de verê Camîyê Pîlî de dest pêkerd, tede waştiş û fikrê şarî goşdarî bîyî û şarî rê şîranî ameye vilakerdene. Na xebate verê 21 camîyanê şaristanî de dewam kerde.

Berîvan Guneş ke Sereka Daîreya Çapemenî û Têkilîyê Şarî ya, derheqê xebatan de va: "Ma sey Serekîya Daîreya Çapemenî û Têkilîyê Şarî ya Şaredarîya Amedî ya Şaristanê Girdî, aşma Remezanî de badê Nimajê Terawîhî şarê ma rê 15 hezar şîranî vila kerdî. Reyna badê vilakerdişê şîranî, ma waştiş û pêşnîyazê şarî girewtî. Projeyê şaredarîya ma, waştişî û rexneyê şarî ma rê zaf muhîm ê."