Şaredarîya Amedî ya Şaristanê Girdî, seba şarî kursê bêheqî dayî destpêkerdene ke wazenê xo warê kultur û hunerî de averî berê, dewam kenê.

Serekîya Daîreya Kulturî û Karanê Sosyalan, seba kesê ke wazenê xo warê kultur û hunerî de aver berê, programêko dewlemend ê kursan hazir kerdo.

Nê kursî ra tîyatro, muzîk, sînema, resim, perwerdeyê ziwanî û kayê şarî ke tede beşdarî şenê hunerê xo keşf bikê û aver berê.

Merkezê Kulturî û Kongreyê Çand Amedî de pisporî perwerde danê û nê kursanê bêheqan her emrî ra kesê ke hunerî ra hes kenê, ardê têhet.

Tahîr Baykuşakî, ke Mudirê Şûbê Averşîyayîş û Pawitişê Ziwanî yo, derheqê xebatanê kursan de va: "Programê ma yê cîya-cîya est ê. Kursê tîyatroyî, sînemayî, muzîkî, resmî û yê ziwanan danê şarî. Reyna ma zaf muhîm vînenê ke kursê ziwanan abîyê. Ma Kurmanckî, Zazakî, Ermenîkî û Suryanîkî kursî akerdî. Ermenîkî û Suryanîkî ziwanê verênî yê nê şaristanî yê. Xizmeto ke ma seba zafziwanîya şaristanî û zafkulturîye kenê, ma rê biqîmet o û ma do xizmetanê xo tîya de hîna aver bere.”