Şaredarîya Amedî ya Şaristanê Girdî seba ke şar Roşanê Remezanî bêproblem vîyarno xebatê xo temam kerdî.

Şaredarîya Şaristanê Girdî, seba ke şar Roşanê Remezanî bêproblem vîyarno, hazirîyê xo temam kerdî. Ekîbê Serekîya Daîreya Zabita, Serekîya Daîreya Karê Weşîye, Serekîya Daîreya Pawitişê Derûdorî û Kontrolî, Serekîya Daîreya Resî û Serekîya Daîreya Îtfaîye, heme Roşanê Remezanî de do meydan ra bê.

Zabita do tedbîran bigîro, verê Roşanî û Roşanî de heme qezayan de do kontrolê xo zêde biko. Şaristanî de patpat, fîşek, maytap, torpîl û materialê têwirê bîn ê teqenê û marketanê tarixê înan yo qedîyaye ser o do kontrolê xo zêde bikê.

Şewa Arefeyî û roja Roşanî, Goristanê Berê Mêrdînî, Şehîtlîk û Yenîkoyî de kontrolê trafîkî do bêro kerdene û zabitayê ma bi heme hêzê xo bixebitîyê.

Seba ke şar cayêko pak de îbadetê xo bikero camî verê Roşanî do bêrê pakkerdene. Heme camîyê merkezîyan de zere û tebere înan do bêrê pakkerdene.

Reso komkî do bêheq bo. Seba Roşanê Remezanî 3 rojî otobusê resê komkî yê Şaredarîya Şaristanê Girdî do şarî rê bêheq xizmet bidê.

Şewa Arefeyî û sibayê Roşanî, camîyanê girdan û merkezîyan ra şarê ke şino goristanan, înan rê do otobusî rêz bibê. Şarê ke wazeno şêro goristan, wasiteyanê resê komkî ra do bêheq fayda bigîro.

Ekîbê Serekîya Daîreya Îtfaîye zî seba tehlîkeyê veşayîşê ke Roşanî de bieşkê biqewmîyê, 7/24 do wezîfe ser o bê.