Mudirîya Pêroyî ya DÎSKÎ dest bi xebatanê başkerdişê xeta şebekeyanê kanalîzasyon û awa varanî yê 222 kîlometreyî kerd.

Proje ke 914 mîlyon TL butçeyê xo est o, do merkezê bajarî û taxanê dewan de bêro tetbîqkerdene û do mabênê di serran de bêro temamkerdene.

Xeta şebekeyî bi sîstemê CCTV'yî yê teknolojîya peyêne do bêrê vînayene û analîzkerdene. Qapaxê xirabin û kehenî do bêrê pakkerdene û cayê ke hewce yo, tede xeta newîye do bêrê ronayene.

 

Hedefê bingeyî yê nê projeyî no yo ke vernîya laser, xetimîyayîş û problemanê bînan ê binawanî ke xususen payîz û zimistanî yenê meydan, bêro girewtene.