Şaredarîya Amedî ya Şaristanê Girdî wendekarê ke sendromê down, otîzm û problemê zîhnî û fîzîkî yê înan es tê û Keyeyê Arisîyayîşî ra îstîfade kenê, înan rê bi estoran destekê terapî da.

Serekîya Daîreya Xizmetê Astengdar û Pîran seba ke cuya astengdaran asan bikero û eleqeyê înan ê cuya komelkî hîna xurt biko, xebatanê xo dewam kena. Na çarçewa de wendekarê ke sendromê down, otîzm û problemê zehnî û fîzîkî yê înan est ê û Keyeyê Arisîyayîşî yê Kayapinarî ra îstîfade kenê, înan rê bi estoran destekê terapî ame dayene.

Wendekarê ke bi servîsî Keyeyê Arisîyayîşî yê Kayapinarî ra ameyî girewtene, tesîsêko xususî de bi hetkarîya perwerdekaran wenîştê astoran û rojêka weşe vîyarnaye.

Amanc o yo ke qabîlîyetê têkilîye bêrê zêdekerdene

Terapîya estoran reyde amanc o yo ke astengdaran rê; denge, koordînasyon, kontrolê vindetişî (postur), averşîyayîşê qabîlîyetanê motorîkan, qabîlîyetê kognîtîf û têkilî bêrê zêdekerdene.