Şaredarîya Amedî ya Şaristanê Girdî seba ke hişmendîya pakîya derûdorî awan biko, dibistananê şaristanî de derheqê "Pakkerdişê derûdorî, neweraxebitnayîş, sifir eşte û vurîyayîşê îklîmî" de perwerde dano.

Serekîya Daîreya Pawitiş û Kontrolê Derûdorî û Serekîya Daîreya Vurîyayîşê Îklîmî û Sifir Eşteyî bi personelanê teknîkî, seba ke hişyarîya pawitişê derûdorî şenikîye ra bêro dayene, perwerdeyan organîze kenê ke seba wendekaranê dibistananê destpêk û mîyanênî yo.

Perwerdeyan de ke dibistanan de yene dayene, tede wendekaran rê derheqê "hişmendîya derûdorî, şuxulnayîşê çimeyan yo bereketin, kêmîkerdişê eşteyan, piştîdayîşê hedefan yê sifir eşteyî, ca de cîyakerdişê eşteyan, muhîmîya agêrnayîşî, çimeyê enerjîyê newbîyayeyî, tesîrê pîlan û metodê arêkerdişî, zerarê derûdorî yê rûnanê veşateyan ê nebatîyan û dûrîkerdişê înan, tesîrê vurîyayîşê îklîmî" de melumatê teorîk û praktîkî ameyî dayene.

Şaredarîya Şaristanê Girdî, perwerdeyê pakîya derûdorî ke seba gede û ciwanan o, dewreyê perwerde-musnayîşî de do dewam biko.