Heyetê Komela Dostanî ya Kurd-Bretonyayî, Dibistana Îklîmî ya Agroekolojî ke Şaredarîya Amedî ya Şaristanê Girdî akerde, zîyaret kerd.

Heyetê Komela Dostanî ya Kurd-Bretonyayî ke şaristanê Rennesî yê Fransayî ra ameybî, Serekîya Daîreya Sifir Eşte û Vurîyayîşê Îklîmî ya Şaredarîya Amedî ya Şaristanê Girdî zîyaret kerd. Sereka Daîre Evin Dinar, xebatê şaredarîye yê warê dewamîya derûdorî, sifir eşte û têkoşînê vera vurîyayîşê îklîmî, Serekê Komele Tony Rublon, endamê heyetê îdareyî û Serekê Verên ê Weqfa Danielle Mitterrandî Jeremie Chomette reyde pare kerdî.

Heyet Dibistana Îklîmî ra gêra

Zîyaretî heyet, Dibistana Îklîmî ya Agroekolojî ra gêra. Endamanê heyetî îfade kerd ke înan hem bingeyê felsefe hem zî tetbîqê dibistane ra tesîr girewto û na tecrube seba înan îlham bîya.

Hedefê ronayîşê Kampusê Agroekolojî

Sohbetî de hedefê Şaredarîya Amedî ya Şaristanê Girdî yê ronayîşê Kampusê Agroekolojî yê hîna gird ame parekerdene. Pawitişê seba destekê malî û teknikî goreyê nê vîzyonî ame îfadekerdiş. Heyetî îfade kerd ke ê do naêwaştişî biresnê Serekê Şaredarîya Rennesî û dîyar kerd ke ê do çi dest ra bêro, ê do bikê.