Hemşaredarê Şaredarîya Amedî ya Şaristanê Girdî Dogan Hatun beşdarê Fûarê Citkarî û Heywandarîye ya Mezopotamya bî û dîyar kerd ke seba ke ê berpirsîyar ke bajarî biresnê neslanê xo yê ameyoxan, ganî ê erdo bereketin û awe bipawê.

Fûarê Citkarî û Heywandarîye ya Mezopotamya ke hetê Mezopotamya Fûarcilîk A.Ş. ra ame organîzekerdene, 16. rey berê xo Amed de akerd. Fûarî de ke zere û teberê welatî ra 300 markayê ke daxilê ci bîyî, pêro pîya 127 fîrmayî mahsulanê nesilanê neweyan pêşkêş kenê.

Akerdişê Fûarî de hemşaredar Hatun qalî kerd û va ke Amedî de hewceyîya fûarêko giranêr est o. Ey va: "Ma hazir ê û ma eşkenê bi hemkarî nê cayî bikerê hîna gird û bereketin. No hewceyîya bajarê ma yo."

Ey derheqê tarîxê 12 hezar serrî yê bajarî de qisey kerd û îfade kerd ke "Ma berpirsîyar ê ke no erdo bereketin û awa xo bipawê ke ma nê emanetî sey xo biresnê neslanê bînan."

Hemşaredar Hatunî va ke helbet seba rewşa citkarî problem est ê, "Hema ma sey şaredarîye 14 golê awe viraştî û ma wazenê ke hemkarî reyde xebatan biramê."