Hemserekê Şaredarîya Bajarê Girdî yê Amedî Serra Bucak û Dogan Hatun, Platformê Şaxê KESKî, Borsayê Bazirganî û selahîyetdarê NAR-DERÎ kerd mêman.

Platformê Konfederasyonê Sendîkayê Kedkaranê Umumî(KESK) yê Amedî, selahîyetdarê Komela Perwerde,Kultur, Ardim û Paştgirî ya Dewa Narlica(NAR-DER), Hemserekê Şaredarîya Bajarê Girdî yê Amedî Serra Bucak û Dogan Hatunî zîyaret kerdî. Zîyaret, awanîya xizmete Şaredarîya Amedî de bi tewrê temsîlkarê dezgeyanê sîvîlan virazîya, temsîlkarê dezgeyanê sîvîlan hemserekan pîroz kerd û xebatanê înan de serkewtişî waşt.

Yeşîl: Ma wazeme projeyanê zîretî de şaredarî reyde bixebitê

Serekê Borsayê Bazirganî yê Amedî Engîn Yeşıl ziyaret de qalîkerdişêk viraşt û da zanayene ke sey borsa warê zîretî de xebatan virazeno aye ra zî projeyanê şaredarî de zî wazeno ke bi şirikî bixebitîn û se ke Fîskobîrlîk,Tarîşbırlık estê ganî Mezopotamya Bîrlîk zî bêra ronayene.

Bucak: Ma do semedê sazkerdişê koperatîfan bixebitê

Hemsereke Bucak da zanayene ke zîyaretê şar û temsîlkarê dezgeyanê sîvîlan semedê înan zaf girîng ê. Heşt serrî demê prosesê qayumî de hem dezgeyanê sîvîlan hem zî çapemenî nêeşkêne bêrê şaredarî û demo newî de bêrê şaredarî herkesî rê akerde yo û semedê xizmetê şarî bi şirikî bixebitîn. Bucak da zanayene ke semedê sazkerdişê koperatîfan, averberdişê ekonomîyê bajarî û sermayegozarî xebatan bi hewayêko şirÎk bêra viraştene. Bucak aşkera kerd ke warê zîret û heywandarî de projeyanê zaf girÎng estê û zîyaretê ey ver Yeşîl rê spas kerd.