Şaredarîya Bajarê Girdî yê Amedî Rayîrê Oglakli-Yigityolu-Sêwrege ser o xebitêna ke rayîrê sînorê qezayan newe bikera.

Goreyê plan û taqwîmê Serekîya Daîreya Viraştişê Rayîr û Binawanîyan, rayîrê dewan ke xeripîyayî, yenê newekerdene.

15 km rayîr yeno newekerdene

Rayîrê Baglar Oglakli-Sêwrege ke 15 km derg o û rayîrê sînorê qezayan o, heta sînorê Rihayî yeno newekerdene. Goreyê projeyê rayîrî, kendiş, dekerdişê kerran xebatê Pmatî ameyî kerdene.

Na xebate de 39 hezar û 600 tob PMT ameyê kiriştene û 28 hezar û 800 ton asfalt û beton do bêro rokerdene.

Nê rayîrî ra xeylê mehlayî îstîfade kenê

No rayîro ke yeno newekerdene, Qezaya Baglar de mehlayê Oglakli, Ovunduler, Yîgîtyolu, Sakalli, Ataoren, Yukariakbidek, Kamişpinar, Ekînce û Kirkkoyun û sewbîna mezrayê Mezrîk, Karaduman, Tokaçli, Beykaya, Gurpinar, Dover, Hasanaga, Urkmez, Hacikoç, Guven, Tahtireş, Naldoken, Bekçîdami, Gomderesî, Kelek ve Kişla tira îstîfade bikerê.

Rayîr do paştî bido turîzmî zî

Bi waştişanê şarî Şaredarîya Bajarê Girdî yê Amedî bi ekîbanê xo rayîro ke zimistanî seba Karacadagî zî yeno xebitnayene, demêko kilmekî de biqedêno û bido xizmetê şarî.

Merkezê şaristanî de rayîrî yenê newekerdene

Sewbîna mîyanê şaristanî ra rayîranê ke kert û kortî virazîyayî û rayîrê unîversîte yê dekewtiş û vejîyayîşî de zî rayîrî yenê newekerdene.