Şaredarîya Bajarê Girdî yê Amedî, cayo ke turîstê hertim şinê uca, Cadeyê Gazî ser o bankê ke şikîyayî hemînî newe kerdî û cadeyî ser o xebate daye destpêkerdene.

Serekîya Daîreya Park û Baxçeyan bi ekîbanê xo bankê ke Cadeyê Gazîyî ser o yê, heminî bedilnayî û montajê înan kerd ke turîst û şar gêrayîşê Amedî de mabên dano gêrayîşî û bankan ser  ronişeno û boya xo dano/arisîyeno.

Xebata peyzajî dest pêkerd

Cadeyê Gazîyî ke şaristan de cayêko tewr muhîm yeno hebisnayene, seba ke cade hîna bibo estetîk û weşik Serekîya Daîreya Park û Baxçeyan mobîlyayê ke uca der ê, heminî bedilnayî û xebatê peyzajî dayî destpêkerdene.

Cadeyê Gazîyî ser o verê, ekîbê şaredarî do xebatê binawanî bikerî û dima zî bi vilik û gulan cadeyî bixemilnê.

Serekîya Daîreya Park û Baxçeyan do pêroyê bajarî ra xebatê peyzaj û newekerdişê bankan dewam bikera.