Şaredarîya Bajarê Girdî yê Amedî, dewan de golekê ke hewyanî tira awe şimenê, pak kena.

Serekîya Daîreya Xizmetê Dewan, seba ke karê weyekerdişê heywanan rê paştî bida û aver bera, dewan de xebatanê xo dewam kena. Serekîya Daîre, golekê ke verê ameybî viraştene û nika xirabe bîyî, înan newe kena û pak kena.

Ekîbê ma bendê awa gole newe kenê û herra ke goleke mîyan de kom bîya, pak kenê û seba ke awa hîna pake gole de biba zêde sewîyeyê awe vêşî kenê.

Kanalê awedayîşî yenê viraştene

Pakkerdiş û newekerdişê golekan ra vêşêr ekîbê ma seba awedayîşê hêgayan zî kanalê awedayîşî virazena. Ekîbê şaredarî seba ke bajarî de karê zîreetî aver şêro, xebatê etudî kenê.

Şaredarîya Bajarê Girdî yê Amedî seba ke citkaran rê paştî bida û aver bera dewam ra xebatanê xo do dewam bikera.