Şaredarîya Amedî ya Bajarê Girdî baxçeyê miletî yê Yenîşehîrî newa kena ke şar nê hewayê germî de hîna rehet û biweşîye şêro tede bigêro û biarisîyo.

Serekîya Daîreya Park û Baxçeyan a Şaredarîya Şaristanê Girdî yê Amedî park baxçeyan de xebatê çînayîşê çayirî dewam kena. Bi ekîba xo ya 40 kesan park û baxçeyan de xebatê çînayîşê çayirî kerdî.

 Xebate temam bîye

Ekîbanê şaredarî verê, Baxçeyê Miletî yê Yenîşehîrî de çayir çînaybî nika darî tarşnayî û vaşê bînî çînayî. Serekîya Daîreya Park û Baxçeyan wina kerd ke baxçe hîna weş û estetîk aseno.

Serekîya Daîreya Park û Baxçeyan qezayanê Sûr, Kayapinar, Baglar û Yenîşehîrî de xebatanê xo dewam kena.