Şaredarîya Amedî ya Şaristanê Girdî, warê hunerî de 17 beşan de dest pêkerd qeydan gêna ke gedeyî û pîlî şênê tira îstîfade bikê. Qeydê kursanê hunerî heta 14ê hezîrane roja îneyî dewam kenê.

Serekîya Daîreya Karanê Kultur û Sosyalî, seba ke gede û pîlan biresna hunerî dest bi girewtişê qeydan kerd. Wendekarê ke termînê perwerdeyî yo giran xo pey de verdayo, firsed vînenê ke wextêko weş bivîyarnê, pîlî zî do xo rê hobîyanê xo reyde eleqedar bibê.

17 beşan de kursî abenê

Kursê ke ÇandAmed (Sezaî Karakoç) de yenê dayene, do zaf beşan de bêrê akerdene. Kursî do wina bibê; tembûr, gîtar keman, pîyano, bilûre, perwerdeyê vengî(koro), hunerê weşî, resim hobî, erbane, ziwanê nîşanî, hazirîya konservaturî (muzîk) klarnet. Nê kursan de tembûr, gîtar, pîyano û resim tena seba gedeyan ê.

Roja peyêne 14ê hezîrane

Qeydê kursê hunerî yê hamnanî heta 3ê hezîrane 2024î roja dişemeyî dest pêkenê û heta 14ê hezîrane roja îneyî qedênê.

Seba muracatî form yeno pirrkerdene.

Kesê ke wazenê kursêkî de qeydê xo bikê,  https://form.jotform.com/241365639258970 şênê formî pirr bikê û qeydê xo virazê.