Hemşaredarê Amedî yê Şaristanê Girdî Serra Bucak û Dogan Hatun, seba ke bajarî mîyan de probleman tespît bikê û bibê çare, muxtaran/keyeyan reyde kombîyayîşan kenê.

Roja ke dest bi wezîfeyî kerd heta ewro hemşaredarî cehd kenê ke problemanê şarî rê bibê çare. Kombîyayîşo yewin do 5ê hezîrane roja çarşemeyî ÇandAmed de bibo.

Kombîyayîşî do heta 12ê hezîrane dewam bikê

5ê hezîrane de bi muxtaranê Sûr û Kayapinarî reyde saete 9.30 de kombîyayîşî dest pêkenê û dimayê nêmroje zî bi muxtaranê Baglar û Yenîşehîrî dewam kenê. Dima 6ê hezîrane de muxtarê Çermîk û Şankûşî dima 10ê hezîrane de serê sibayî muxtarê Pîran Hêne û Karêzî, dimayê nêmroje zî yê Bismilî, 11ê hezîrane de yê Erxenî û Gêl, dimayê nêmroje zî yê Çinarî, 12ê hezîrane de yê Hezro û Farqînî dimayê nêmroje zî yê Licê benê mêmanê şaredarî. Kombîyayîşan de do serekê daîreyan zî uca de bibê.

Kombîyayayîşê ke seba çareserîya şaristanî yenê organîzkerdene, 25, 26, 27 û 28ê hezîrane de zî bi rêxistinanê sivîlan û temsîlkaranê odayanê meslegan dewam kenê.