Wendekarê ke akademî lîse û mêmanxaneyê kênekan yê şaredarîya amedî ya şaristanê girdî îmtihananê unîversîte rê hazir ê.

Serekîya Daîreya Xîzmetê Spor û Ciwanan, merkezê bajarî û dewan de seba ke ciwananê hazirîya unîversîte kenê, înan rê biba destek Akademî Lîse û Mêmanxaneyê Kênekan de pêroyê serrre perwerdeyê xo dewam kerdî.

Seba xeyalanê xo xebitîyayî

Bi hezaran wendekarê ciwanî destpêkê termînê 2023-2024î ra yo ke bi îstîkrar xebitênê. Wendekarî bi îmkananê şaredarî bêpere hazirîya îmtihanî kerde.

Dersanê hazirîya unîversîte ra vêşêr seba ke wendekarî hetê kultur û sosyalî ra zî xo aver berê, çalakîyî yenê kerdene.

Wendekarî 8-9 hezîrane de bi rehberîya Şêwirmendîya Psîkolojî xebatanê xo dewam kenê.

 ‘Ez hîs kena ke ez hîna serkewte bena’

Ciwananê Akademî Lîse ra Helîn Kalecî: “Ez dewêka Sûrî de ronişena. Nê 6 aşmî yê ke ez yena tîya. Dersê ke mi tîya de girewtî, îmkan da mi ke ez xo aver bera. Ez hîs kena ke ez êdî hîna serkewte ya.”

Ciwananê Akademî Lîse ra Şeyma Aşîroglu: “Ma bi wesîleyê mamostayê xo tîya şinasna. Dima mi muracat kerd. Verê, matematîkê mi baş nêbî. Ez ameya tîya mi mamostayê xo goşdaritî û nika netê mi zaf bîyî.”

‘Dewe de ma nêeşkîyayêne bixebitîyê’

Wendakara Mêmanxaneyê Kênekan Menîce Asar: “Aşma êlûle ra yo ke ez yena tîya. Saete 8.30î de dersa ma dest pêkenê. Hema-hema pêroyê roja ma tîya de vîyareno ke no seba ma zaf muhîm o. çunke ma dewe de nêeşkîyayêne qisey bikê. Nika ma babetê xo qedênayî.”

 ‘Kênekê ke dewan de manenê, seba înan zaf muhîm o’

Ayşenur Ozen: “Sere de ez Şaredarîya Amedî ya Şaristanê Girdî rê sipas kena. Ez wazena ke na proje her cayî ra vila biba. Bib taybetî zî seba kênekanê ke dewan de manenê. Ez wazena ke her kes nê îmkanan ra îstîfade biko.”