Akademîyan de muracatanê YKS û LGSyî dest pêkerd
Şaredarîya Amedî ya Şaristanê Girdî, bi amancê piştîdayîşê prosesanê amadekarîya wendekaran a îmtîhanan, seba perwerdeyanê amadekarîya YKS û LGSyî ke Akademî Sûr, Akademî Huzurevlerî û Akademî Çêrmûg de do bêpere bêrê organîzekerdiş, dest bi girewtişê muracatan kerd.
Mudirîya Şûbeyê Perwerdeyê Ciwanan a Serekîya Daîreya Xizmetanê Komelkîyan, bi amancê xurtkerdişê seypêyîya firsendî ya perwerdeyî û piştîdayîşê wendekar û ciwanan, xebatanê xo dewam kena. Akademîyê ke na çarçewa de falîyet kenê, demserra perwerdeyî ya newîye de do wendekaranê Îmtîhanê Dezgehanê Wendişê Berzî (YKS) û Sîstemê Vîyartişê Lîseyan (LGS) rê perwerde, rayberî û piştîdayîşê amadekarîya îmtîhanî ya bêpere pêşkêş bikerê.
Wendekarê ke wazenê nê perwerdeyan ra feyde bigîrê, do adresa https://forms.gle/4QY36paY9QCroDyf9 ser o mabênê 24ê tebaxe-4ê êlule de bi hewayo onlîne muracat bikerê.
Badê girewtişê muracatan û temambîyayîşê prosesî, perwerdeyî do akademîyanê têkilîdaran de rî bi rî bêrê kerdiş. Perwerdeyê amadekarîya YKSyî do Akademî Sûr de, perwerdeyê amadekarîya LGSyî do Akademî Huzurevlerî û Akademî Çêrmûg de bêrê dayîş.
