Tarîx bar beno...
⏳Bar beno...
UNESCO Dünya Mirası
10.11.2015
Bilindiği üzere, “Diyarbakır Kalesi ve Hevsel Bahçeleri Kültürel Peyzaj Alanı”, 2015 yılında UNESCO Dünya Mirası Listesi'ne kaydedilmiştir.
Hemşaredarî

Hemşaredare Bucak Ankara de qalê tecrubeyanê şaredarîya beşdare kerd

Hemşaredara Şaredarîya Amedî ya Şaristanê Girdî Serra Bucak Ankara de beşdarê Konferansê Akin Atauzî yê 1. bîye. Bucak uca de qalê şaredarîya demokratîk, ekolojîk û azadîwazîya cinîyan kerd.

Rojnameyê Solfasolî û Weqfê Fîkrî Sonmezî yê Cigêrayîş û Averberdişê Îdareyanê Herêmkîyan Ankara de Konferansê Akin Atauzî yê 1. organîze kerd. Roniştişê “Îdareyê Herêmkîyî Ganî Senî Rêxistin Bibê?” de Hemşaredare Serra Bucak, Hemşaredara Gimgimî Gulbahare Kaya, Şaredarê Sancaktepeyî Alper Yegîn û Şaredarê Findikliyî Ercument Çervatoglu qisey kerd.

Bucak xebatê şaredarîya Amedî ardî ziwan. Aye qalê xurtkerdişê demokrasîya herêmkî û beşdarîya şarî ya prosesanê qerargirewtişî kerd. Bucak bale ante ser o ke polîtîkayanê qeyûman zerar dayo şaristanan.

‘Qeyûman heşt serrî zerar da şaristanî’

Bucak qiseykerdişê xo de Fîkrî Sonmez û şaredarê Amedî yo verên Mehdî Zana yad kerdî. Aye va ke rejîmê qeyûman o heşt serran şaristan de xisarêko zaf gird verdayo. Bucak dîyar kerd ke ê sîyasetê îsyanî ra vîyartî sîyasetê awankerdişî. Aye va ke dezgehê cinîyan ke ameybî girewtiş, merkezê DÎKASUMî û konseyê şaristanî newe ra yenê akerdiş.

‘Şaristanê To, Butçeya To’

Bucak va ke 30 aşman de 30î ra zêde pêdîyayîşê şarî û 50î ra zêde pêdîyayîşê esnafan viraştî. Aye qalê xebata butçeya beşdare ya Oglakli kerd. Uca de şarê taxe bi sandiqa gêrayoxe û bi Înternetî rayê xo da projeyan. Gedeyan tewr zaf hewzê asnawî, kitabxane û merkezê cuya cinîyan waştî. Bucak va ke bi nameyê “Şaristanê To, Butçeya To” veng da şarî û xebatê projeyan dest pêkerdo.

‘Perspektîfê azadîwazîya cinîyan merkezê şaredarîya ma de yo’

Bucak dîyar kerd ke bi kooperatîfanê cinîyan, bostananê şaristanî, JINKART û kreşanê Zarokistanî yê zafziwanan piştî danê şaranê dezavantajîyan.

Bucak va ke şaredarîya Amedî de bingeyê xizmetan berhemardişo herêmkî, piştîpêdayîş û rêxistinbîyayîşê komelî yo. Goreyê aye, cinî û ciwanê ke xizmetan ra îstîfade kenê, ganî bibê parçeyê modelêkê rêxistinbîyayîşî yê beşdarî. Bucak ard ziwan ke butçeyê îdareyanê herêmkîyan sînordar ê. Aye va ke ganî çîyê ke bîyê û çîyê ke nêbîyê, eşkera şarî ra bêrê vatiş.

Bucak peynîya qiseykerdişê xo de va ke persê îdareyanê herêmkîyan ê bingeyinan ra yew ganî “Şaristan yê kamî yo?” bo.

Pare Bike
ALO 153Bajarê Dostê Cinîyan