Aplîkasyono ke hetê Serekîya Daîreya Karanê Agahî ra ame averberdiş, seba wesayîtanê mobîlan ê bi sîstemê Android û iOSî ame weşanayîş. Bi aplîkasyonî yeno amanckerdiş ke hemwelatî bi lez û asan bazarê taxe yê ke hewceyîya înan rê tewr munasib o, bivînê.

Aplîkasyonî ser o bazarê taxan goreyê qeza û rojê ke tede virazîyenê yenê parzûnkerdiş. Bi no hewa hemwelatî eşkenê ekranêk ser o hem cayê bazaran qezaya ke wazenê hem zî rojanê ci bivînê.

Adrese û agahîyê lokasyonî yê bazaran xerîte ser o yenê nawitiş. Şuxulnayoxî eşkenê bazarê ke wazenê şorê weçînê û Xerîtayanê Google yan Yandexî ra tarîfê rayîrî bigîrê.

Aplîkasyono ke bi rîyê asanî ame amadekerdiş, agahîyanê rojaneyan ê bazaranê taxan cayê dîjîtalî de dano resayîş û bi no hewa hemwelatîyan rê piştî dano ke wextê xo bipawê.

Aplîkasyonê "Diyarbakır Semt Pazarları" App Store û Google Play de bi eynî nameyî yeno geyrayîş û bêpereyî yeno barkerdiş.