Şaredarîya Şaristanê Girdî seba xurtkerdişê asayîşê ekolojîkî yê şaristanî xebatanê xo dewam kena. Na çarçewa de projeyo ke Serekîya Daîreya Park û Baxçeyan Bulwarê Alî Gaffar Okkanî de warêko 67 hezar û 500 metrekareyî de ramena, amanc keno ke piştî bido vîzyonê şaristanîya moderne. Qonaxa verêne de xebatî binawanî de bîyî. Sîstemê awdayîş, elektrîk û drenajî û karê pirrkerdişê herre temam bîyî; dima dest bi xebatanê serawanî ame kerdiş.

Rayîrê vazdayîşî do bibo

Ekîbê Serekîya Daîreya Park û Baxçeyan rayîrê vazdayîşî virazenê ke şarê bulwarî û sporhesan rê lazim o. Qonaxa verêne ya ronayîşê dar û leman zî temam bîye. Ronayîşê daran do goreyê planî dewam bikero.

Hezar û 200 darê neweyî û 30 hezar lemî yenê ronayîş

Çarçewaya projeyî de darê ke warî de est ,ê yenê pawitiş; seba ke warê keskî hîna dewlemend bibo, hezar û 200 darê neweyî û 30 hezar lemî yenê ronayîş. Badê qedîyayîşî, Bulwarê Alî Gaffar Okkanî do bi binawanîya xo ya newekerdîye, rayîrê xo yê vazdayîşî yê modernî û bi hezaran nebatanê neweyan, hemwelatîyanê Amedî rê warêkê cuye pêşkêş bikero ke tede cîfê xo bigîrê.

Tadayox: Mehmet Olmez