Serekîya Daîreya Viraştiş, Miqate û Tamîrê Rayîran, bi amancê ke seranserê şaristanî de binawanîya resî xurt bikera, emrê bikarardişê rayîran derg bikera û emnîyetê ramitişî zêde bikera, xebatanê viraştiş, miqate û newekerdişê rayîran dewam kena. Na çarçewa de qezaya Yenîşehîrî de Bulwarê Xarpêtî de xebata rokerdişê asfaltî dest pêkerd.

Çarçewaya xebate de ke Bulwarê Xarpêtî de mabênê Çatrayîrê Muxabereyî û Cadeyê Kişla de hetê şîyayîşî de yena ramitene, rayîrê 400 metreyî do bêro newekerdene. Ekîbî do nê rayîrî ser o 2 hezar û 700 ton asfalto germ rokerê.

Çatrayîr trafîkê wesayîtan rê ame girewtene

Rîyê xebatanê asfaltî ra 4ê êlule de rayîrî de trafîkê wesayîtan qismî ame sînordarkerdene, 5ê êlule de zî beşo ke mabênê Çatrayîrê Muxabereyî û Cadeyê Kişla de yo, trafîkê wesayîtan rê bi temamî ame girewtene.

Rayîro ke do xebatî tede dewam bikerê, badê temambîyayîşê rokerdişê asfaltî 6ê êlule de do newe ra trafîkê wesayîtan rê bêro akerdene.

Beşê rayîrî yo ke hetê Berê Koyî ser o şino, tede zî do hefteyo ameyox xebate bêro kerdene.