Kursê muzîkî dest pêkerd ke Serekîya Daîreya Kultur, Huner û Karanê Komelkî ya Şaredarîya Amedî ya Şaristanê Girdî û Şaredarîya Sûrî pîya Merkezê Dîjîtal ê Bagivarî de seba gedeyan organîze kerdî. Atolyeyan de ke gedeyê Bagivarî beşdarê înan benê, perwerdekaran reyde xebitnayîşê enstrumananê muzîkî yê cîya-cîyayan yeno musnayîş.

Panc enstrumanan de perwerde yeno dayîş

Perwerdeyan de ke goreyê bernameyê hewteyî yenê kerdiş, gedeyî firsend vînenê ke enstrumananê ke eleqeyê înan pê est o, bişinasnê. Roja dişemeyî dersê gitar, pîyano û kemane, roja îneyî zî dersê erbane û tenburî yenê dayîş.

Gedeyî bi perwerdeyanê pratîkan hunerê xo aver benê

Dersan de ke perwerdekaran reyde yenê dayîş, perwerdeyê pratîkî est ê. Gedeyî xebitnayîşê enstrumanan musenê û hunerê xo yê cinitişî aver benê. Bi atolyeyanê muzîkî amanc o yo ke piştî bido averşîyayîşê gedeyan ê hunerî, eleqeyê înan ê muzîkî zêde bibo û gedeyî qabilîyetanê xo keşf bikerê.

Çarnayox: Mehmet Olmez