Hemşaredaranê Şaredarîya Amedî ya Şarinstanê Girdî Serra Bucak û Emîn Ayî Hemsereka Qeza ya Bajarê Neweyî ya DEM Partî Berîvan Beyazadam û endamanê meclîsê ma reyde pîya esnafê Sîteyanê Sanayî yê 1. û 2. yê qezaya Bajarê Neweyî zîyaret kerdî û goş da taleb û waştişanê înan.

Esnafanê sîteyanê sanayî problemê binawanî û cugehî ardî ziwan ke rastê înan yenê.

Hemşaredaranê Amedî dîyar kerd ke problemê şaristanî tena bi aqilo hempar û piştîpêdayîşî eşkenê bêrê çareserkerdiş û îfade kerd ke îdareyê şaredarî de beşdarîya şar û kedkaranê şaristanî ya prosesanê qerardayîşî esas gênê.