Hemşaredaran xebatê asfaltî yê Rezanî ca de etud kerdî
Hemşaredaranê Şaredarîya Amedî ya Şaristanê Girdî Serra Bucak û Emîn Ayî herêma Dortyolî ya qezaya Rezanî de xebatê asfaltê germî ca de etud kerdî. Cadeyanê Nukhet Coşkun, Kardeşlik û Gocmenler de ke tede xebatê binawanîya gazê xozayî qedêyayî, rayîrêko 2 hezar û 170 metreyî de 4 hezar û 200 ton asfalto germ do robo.
Hemşaredaran warê xebate de etud kerd û yewînanê eleqedaran ra agahîyê hîrayî girewtî. Endamê meclîsî, Sekreterê Pêroyî Serdar Bakiroglu, Hetkarê Sekreterê Pêroyî Azîz Ozdogan û serekê daîreyanê eleqedaran zî hemşaredaran reyde bîyî.
Rokerdişê asfaltî do tewr rew biqedîyo
Hemşaredaran dîyar kerd ke rokerdişê asfaltî do tewr rew biqedîyo ke rayîrê ke sebebê xebatanê binawanî ra xirab bîyî, hemwelatîyan mexdûr nêkerê; xebatê newekerdiş û rastkerdişê rayîran zî do dewam bikerê.
Ekîban dest bi rokerdişê asfaltî kerd
Ekîban badê amadekarîya zemînî dest bi rokerdişê asfaltê germî kerd. Yeno amanckerdiş ke badê temambîyayîşê xebatan resê wesayîtan û peyayan nê cadeyan de hîna biemnîyet û rehet bibo.
Çarnayox: Mehmet Olmez
