Hemşaredarê Şaredarîya Amedî ya Şaristanê Girdî Emîn Ayî, roja dîyine ya Fuarê Kitaban yê Amedî yo 10. de Hemserekê Pêroyî yê DEM Partî Tuncer Bakirhanî reyde pîya fuar zîyaret kerd.

Fuar mabênê 26ê êlule û 4ê teşrîna verêne de Merkezê Fuar û Kongre yê Mîyanneteweyî yê Mezopotamya de yeno organîzekerdiş.

Hemşaredar Ay warê fuarî de gêra û temsîlkarê weşanxaneyan, nuştox û wendoxan reyde ame têhet. Ayî weşanxaneyê ke stand akerdbî, yew bi yew zîyaret kerdî.

Ayî bale ante muhîmîya aktîvîteyanê kulturî û fuaran ê şaristanî û kulturê dewlemendî yê cografya ser o.

Fuar do heta 4ê teşrîna verêne dewam bikero.

Şaredarîya Amedî ya Şaristanê Girdî, wextê fuarî de merkezê şaristanî de rayîranê dîyarkerdeyan ra pê seferanê îlaweyan ê bêpereyan dewam kena ke kitabhesî bi asanî û rehetî biresno warê fuarî.