Bajar ke hetê Serekîya Daîreya Kultur, Huner û Karanê Komelkî ra di aşman de rey bi dîjîtalî weşanîyena, bi hûmara teşrîna peyêne resaye wendoxan. Kovare ke amancê aye averberdiş û vilakerdişê kulturê wendişî yê bi ziwanê dayîk o, dewam kena ke gedeyan û ciwanan rê qisey bikera.

Kovara dîjîtale ya 29 rîpelan ke edîtorîya aye Dogan Guzel kena, Amedspor ra heta edebîyatê kurdkî, ziwanê sîyasî yê mîzahî ra heta serebûtanê neweyan ê komîkan babetanê cîya-cîyayan pêşkêş kena.

Nameyê edebîyatê kurdkî xeyalê Amedsporî de yenê têhet

Hûmara teşrîna peyêne de xeyalê klubêkê Amedsporî ke nameyê edebîyatê kurdkî yê namdarî tede kay kenê, kewt rîpelan. Na xebate ke bi xêzanê Îmam Cîcîyî gandar beno, futbol û edebîyatî pîya ana.

Xêzeroman de serebûtê neweyî

Hûmara newîye de sewbîna rêxeromanê “Mehlûqatên Eşref” ê Eşref Mumcuyî, “Remazanê Çayci” û “Keko” yê Dogan Guzelî û “Dedektîfên Kuçeyên Teng Zilkîf” bi serebûtanê xo yê neweyan ca gênê.

Wendoxî eşkenê hûmara teşrîna peyêne û hûmaranê bînan ê Bajarî keyepelê kovare https://bajar.tr/ ser ra biwanê.