Şaredarîya Amedî ya Şaristanê Girdî xebatanê akerdiş û serûberkerdişê torra rayîran a 200 kîlometreyî dewam kena ke qezaya Pasûrî de varanê zafan xirab kerda. Bi xebatanê ke Şaredarîya Pasûrî reyde yenê kerdiş, yeno amanckerdiş ke rayîrê 7 taxan û 50 mezrayan reyna bêrê xebitnayîş.

Serekîya Daîreya Viraştiş, Miqate û Tamîrê Rayîran, Şaredarîya Pasûrî reyde taxanê dewan û mezrayanê qeza de xebatanê xo dewam kena ke zirarê varanê zafan ê binawanîya resî bêrê hewanayîş.

Ekîbî warî de xebitîyenê ke rayîrê ke ameybî girewtiş reyna akerê û rayîrê ke bêkar mendê serûber bikerê. Pasûr cografyaya zor a; varanê zafan torra rayîran a 200 kîlometreyî xirab kerda ke 7 taxan û 50 mezrayan rê res temîn kena.

200 kîlometre rayîr de xebate

Rayîrêko bi pêroyî 200 kîlometreyî de karê akerdiş û serûberkerdişî yeno kerdiş; xebatî 7 taxan û 50 mezrayan gênê xo mîyan. Bi xebatan yeno amanckerdiş ke zehmetîyê resê taxan û mezrayan bêrê hewanayîş û cayanê dewan de res biemnîyet û bêvindertiş bibo.