Tarîx bar beno...
⏳Bar beno...
UNESCO Dünya Mirası
10.11.2015
Bilindiği üzere, “Diyarbakır Kalesi ve Hevsel Bahçeleri Kültürel Peyzaj Alanı”, 2015 yılında UNESCO Dünya Mirası Listesi'ne kaydedilmiştir.
Xeberî

Projeyê GES'î yê 30 MWe yê Gêlî rê piştîdayîşê kredî

“Îlankerdişê Platformê Tirkîya yê COP31î û Merasîmê Îmzayî yê Dezgehanê Mîyanneteweyîyan Reyde” de ke Hemşaredara Şaredarîya Amedî ya Şaristanê Girdî Serra Bucak beşdar bîye, ame eşkerakerdiş ke projeyê santralê enerjîya rojî yê 30 MWe ke Mudirîya Pêroyî ya DÎSKÎ do Gêl de bicaaro, bi hemkarîya Bankaya Averşîyayîşî ya Asya û Bankaya Wîlayetan piştîdayîşê kredî girewto.

Bernameyî de ke Wezîrê Cugeh, Bajarwanî û Vurîyayîşê Îklîmî Murat Kurum û serekê şaredarîyan beşdar bîyî, piştîdayîşê fînansmanî yê seba projeyanê îdareyanê herêmkîyan ameyî eşkerakerdiş. Wezîr Kurumî merasîmî de îlan kerd ke projeyê santralê enerjîya rojî (GES) ke Mudirîya Pêroyî ya Îdareyê Awe û Kanalîzasyonî yê Amedî (DÎSKÎ) plan kena qezaya Gêlî de rono, piştîdayîşê kredî girewto.

Do warêkê 520 doniman de bêro ronayîş

Proje ke hetê Wezaretê Cugeh, Bajarwanî û Vurîyayîşê Îklîmî ra ame tesdîqkerdiş, do Taxa Dere ya qezaya Gêlî de warêkê 520 doniman de bêro caardiş. Santralê 30 MWe de do 66 hezar panelê enerjîya rojî ke her yew 545 Wp yo û 120 înverterê 250 kWe bêrê xebitnayîş. Yeno amanckerdiş ke santral serre de teqrîben 62 mîlyon û 947 hezar û 500 kWh elektrîk berhem bido.

Nêzdîbîyayîşo ekolojîk do bêro esasgirewtiş

Proje do bi metodanê dostê cugehî bêro caardiş ke zerar nêdo hemwelatîyanê dorûverî, heywan û xoza. Mudirîya Pêroyî ya DÎSKÎ ke amanc kena berhemardişê enerjîya newabîyaya zêde bikera, do seranserê şaristanî de projeyanê xo yê dostê xoza dewam bikera.

Pare Bike
ALO 153Bajarê Dostê Cinîyan