Ekîbê Serekîya Daîreya Viraştiş, Miqate û Tamîrê Rayîran; qezayanê Yenîşehîr, Sûr, Farqîn, Bismil, Çinar, Pasûr, Licê, Erxenî û Pîran de xebatanê kendiş, pirkerdiş, stabîlîze, binbinge, binge, qîrkerdiş, parke û awanîyanê hunerî kenê.

Yenîşehîr: rayîrê 2,6 kîlometreyî yê Taxa Bahçelîevlerî û qismê 4,9 kîlometreyî yê Rayîrê Kanalî de xebatê binbingeyî temam bîy û qîr bî. Taxa Tilhamî de rayîrê 8,7 kîlometreyî de xebatê kendiş, pirkerdişê kerrayan, pirkerdişê stabîlîze û awanîyanê hunerî yenê ramitiş.

Sûr: rayîrê 3,2 kîlometreyî yê Taxa Kuçukkadi û rayîrê 3,4 kîlometreyî yê mabênê Sarikamiş-Koyungudenî de xebatî yenê kerdiş. Mabênê Buyukkadi û Sarikamişî de rayîrê 5,4 kîlometreyî de rokerdişê binbinge û bingeyî temam bî; do qato yewin û dîyin ê qîrkerdişî dest pêkero.

Farqîn: rayîrê 4,2 kîlometreyî yê mabênê taxanê Eşme-Beypinar-Saglikî, rayîrê 1 kîlometreyî yê mabênê Weysîyo Corên-Bayatlî û Rayîrê Grûba Taxa Sulubagî yo 12,2 kîlometreyî de xebatî dewam kenê. Rayîrê Grûba Çardakî yo ke dergîya ci bi pêroyî 22 kîlometreyî ya, 7 kîlometreyê ci de asfalt temam bî, 15 kîlometreyê mendeyî de xebatî dewam kenê. Merkezê Farqînî de zî warêko 4 hezar metrekareyî de parke yeno ronayîş.

Bismil: Rayîrê Taxa Uçtepe-Kayalarî yo 1,5 kîlometreyî rokerdiş û dewisnayîşê malzemeyê bingeyî reyde asfaltî rê yeno amadekerdiş. Qismê 4,6 kîlometreyî yê Rayîrê Taxa Sarilar-Saritoprakî de xebatê binbingeyî dewam kenê.

Çêrmûg û Şankûş: Mabênê Alakoç-Hendekî de xebata binawanî dest pêkerd; Rayîrê Taxa Şêxanê Cêrênan û Rayîrê Taxa Şêxanê Corênan bernameyê xebate de yê.

Çinar: Rayîrê Grûba Yeşiltaşî yo 23 kîlometreyî de xebatê binbinge û awanîyanê hunerî dewam kenê; 20 kîlometreyê ci temam bî, 3 kîlometreyê mendeyî de xebatî dewam kenê.

Pasûr û Licê: Rayîrê Taxa Temran-Gulecî yo 6,4 kîlometreyî de rokerdiş û dewisnayîşê binbingeyî yeno ramitiş. Licê de Rayîrê Taxa Someradanî de xebatê kendiş, pirkerdiş û verbendî dewam kenê.

Erxenî: Rayîrê Grûba Încehidirî yo 17 kîlometreyî de rokerdişê binbingeyî dewam keno. Taxa Çayirdere de warêko 6 hezar metrekareyî de parke yeno ronayîş; Rayîrê Kumçî yo 3 kîlometreyî de xebatê kendiş û pirkerdişî temam bî.

Pîran: Rayîrê Taxa Kirkpinarî yo 3 kîlometreyî de kendiş û pirkerdiş, Rayîrê Mezrayê Kayaşî yo 3 kîlometreyî de rokerdişê binbingeyî dewam keno. Qismê 4 kîlometreyî yê Rayîrê Taxa Taşagilo Corên de xebatê pirkerdişê stabîlîze temam bîyî.