Rayîrê girêdayîşî yê mabênê Hêni û Xarpêtî pê asfaltê germî newe bî
Şaredarîya Amedî ya Şaristanê Girdî qezaya Hêni de çarçewaya Rayîrê Grûbe yê Çukur de rayîrêko 4,5 kîlometreyî pê asfaltê germî newe kerd ke girêdayîşê Beldeya Uç Ocak a Xarpêtî temîn keno. Bi na xebate şertê rayîrî rind bîyî ke bi taybetî aşmanê zimistanî de resayîş zehmet kerdêne.
Serekîya Daîreya Viraştiş, Miqate û Tamîrê Rayîran xebatanê xo qedênayî ke rayîrê girêdayîşî yê qezaya Hêni de ramitêne; sebebê kerrayanê parkeyî yê şikiteyan ra nê rayîrî de problemê resî bîyêne.
Cayê kerrayanê parkeyî de asfalto germ robî
Rayîrî de ke resayîşê Beldeya Uç Ocak temîn keno, kerrayê parkeyî yê şikiteyî ameyî vetiş û cayê înan de asfalto germ robî.
Rayîrê 4,5 kîlometreyî de xebate qedîyaye
Rayîrî de ke dergîya ci 4,5 kîlometre û hîrayîya ci 6 metre ya, 7 hezar ton asfalto germ ame xebitnayîş. Şikîyayîşê rîyê rayîrî ameyî hewanayîş û rayîr hîna biemnîyet û rehet bî; girêdayîşê mabênê Hêni û Beldeya Uç Ocak zî xurt bî.
Çarnayox: Mehmet Olmez
