Seba kursanê muzîkî û atolyeyanê hunerî qeydan dest pêkerd
Şaredarîya Amedî ya Şaristanê Girdî seba kursanê muzîkî yê bêpereyan û atolyeyanê resm, seramîk û fuzyonê camî dest bi girewtişê muracatan kerd. Kontenjanê kurs û atolyeyan sînordar o; heta 5ê teşrîna verêne înternet ser ra muracat eşkeno bêro kerdiş. Perwerdeyî do 12ê teşrîna verêne de dest pê bikerê.
Serekîya Daîreya Kultur, Huner û Karanê Komelkîyan programê kurs û atolyeyanê demê neweyî dîyar kerd. Qeydan ewro dest pêkerd û do heta 5ê teşrîna verêne dewam bikerê.
Qonaxê Cemîl Paşayî de perwerdeyê hewt enstrumanan
Kursê muzîkî do Qonaxê Cemîl Paşayî de bibê. Kursan de perwerdeyê keman, gîtar, pîyano, tenbur, flût, bilûre û ney do bêro dayîş.
Atolyeyê resim, seramîk û fuzyonê camî
Merkezê Kultur û Kongre yê Çand Amedî de seba pîl û gedeyan atolyeyê resmî yê cîyayî do bêrê organîzekerdiş. Atolyeyê seramîk û fuzyonê camî zî do programî de ca bigîrê. Muracatî adresa dismek.diyarbakir.bel.tr ser ra yenê kerdiş.
Çarnayox: Mehmet Olmez
