Şaredarîya Amedî ya Şaristanê Girdî, bi amancê awankerdişê torra resî ya hîna biemnîyet û biserûbere, xebatanê xo dewam kena. Bulwar, cade û kuçeyan de ke hetê Serekîya Daîreya Viraştiş, Miqate û Tamîrê Rayîran ra xebatê viraştiş û newekerdişê asfaltî temam bîyî, hetê ekîbanê Serekîya Daîreya Resî ra xetê rayîran yenê antene.

Çarçewaya xebatan de xetê rayîran ke wextî mîyan de pak bîyî û nêasayêne, ameyî newekerdene; bi no hewa piştî dîyena resayîşê biemnîyet ê şofor û peyayan.

Bi pêroyî 565 kîlometre xebate temam bîye

Ekîbanê Serekîya Daîreya Resî, 12ê gulane 2026î ra nat merkezê şaristanî û qezayan de 500 kîlometre xebata xetê rayîran o serdin kerde. Ekîban, 13ê tebaxe 2026î ra nat zî 65 kîlometre xebata xetê rayîran o germ (termoplastîk) kerde.

Bi no hewa seranserê şaristanî de bi pêroyî 565 kîlometre xebata xetê rayîran temam bîye.

Xetanê german de rengê termoplastîkî yeno xebitnayene

Seba ke xetê rayîran hetê şofor û peyayan ra hîna baş biasê, xebatanê xetanê german de sîstemê rengê termoplastîkî yeno xebitnayene. Bi tatbîqî yeno amanckerdene ke bi taybetî asayîşê xetanê rayîran bêro zêdekerdene û emnîyetê trafîkî bêro piştîdayene.

Xebatî do seranserê şaristanî de dewam bikerê

Xebatê xetê rayîran; bulwar, cade û kuçeyan ra teber, vîyartgehanê peyayan de zî do seranserê şaristanî de dewam bikerê.