Şaredarîya Amedî ya Şaristanê Girdî, bi amancê ke merkezê şaristanî de xizmetê komresî hîna berdar, domdar û bêasteng bibê, xebatanê xo dewam kena. Serekîya Daîreya Resî, goreyê waştişanê ke welatîyan ra ameyî, rayîr û hûmara erebeyanê xetanê B4 û E6î newe ra serûber kerdî. Bi serûberkerdişan yeno amanckerdene ke wextê raywanîye bêro kilmkerdene, kapasîteya neqlkerdişî û berhemdarîya seferan bêro zêdekerdene, komres hîna bêasteng bibo û trafîkê şaristanî bêro rehetkerdene.

Rayîrê xeta B4î ame hîrakerdene

Rayîrê xeta bi kodê B4î ke mabênê Oglakli û Balikçilarbaşî de xizmet dana, Cadeyê Ahmet Kaya, Cadeyê Aram Tigran, Cadeyê Evrim Alataş, Cadeyê Mola Gûranî û Bulwarê Qamişloyî ameyî zêdekerdene.

Rayîro newe (şîyayîş): Oglakli, Çatrayîrê Gozelî, Çatrayîrê 500 Evleran, Tepeşehîr, Cadeyê Ahmet Kaya, Cadeyê Aram Tigran, Cadeyê Evrim Alataş, Cadeyê Mola Gûranî, Bulwarê Qamişloyî, Zumrutkent, Roştîyê Yenîkoy, Huzurkent, Sîteya Sayin, Îskanevleri, Kuruçeşme, Alay, Alipinar, Îstasyon, Halê Kehen û Balikçilarbaşi.

Rayîro newe (peyserameyîş): Balikçilarbaşi, Halê Kehen, Îstasyon, Alipinar, Alay, Kuruçeşme, Îskanevleri, Sîteya Sayin, Huzurkent, Zumrutkent, Bulwarê Qamişloyî, Parkê Newrozî, Cadeyê Mola Gûranî, Cadeyê Evrim Alataş, Cadeyê Aram Tigran, Cadeyê Ahmet Kaya, Salona Daweta Pîyale Parkî, Tepeşehîr, Çatrayîrê 500 Evleran, Çatrayîrê Gozelî û Oglakli.

Hûmara otobusanê xeta E6î bîye çar

Waştişê welatîyan ê zêdeyî ameyî çiman ver û xeta E6î de zî başkerdiş ame kerdene. Rayîrê Oglakli, Çatrayîrê 500 Evleran, Konutanê 333î, Bulwarê Necmettin Erbakanî, Cadeyê Nazim Hîkmetî, Bulwarê Mezopotamya, Bulwarê Firatî, Bulwarê Necmettin Erbakanî û Nêweşxaneya Cigêrayîşî de xeta E6î bi di otobusan xizmet dayêne; hûmara otobusanê na xete bîye çar.

Çarnayox: Mehmet Olmez