Sporkarê Klubê Sporî yê Astengdaran ê Kayapinarî yê Amedî ke Şampîyonîya Vejîyayîşî ya Tirkîya de mîyanê 29 bajaran de bîyî yewin ke hetê Federasyonê Kogerîye yê Tirkîya ra mabênê tarîxanê 27-29ê adare de Bursa de ameye organîzekerdene, Hemşaredara Amedî ya Şaristanê Girdî Serra Bucak zîyaret kerd.

Sporkaran ke turnuwa de 6 zerrên, 3 sîmên û 2 tuncên, bi pêroyî 11 madalyayî qezenc kerdî, Amed resna yewinîya Tirkîya.

Zîyaretî de Hemverfekê Meclîsî Ayhan Karatekîn, Serekê ma yê Daîreya Xizmetanê Ciwanî û Sporî Baran Yilmaz û Temsîlkarê Klubî Mehmet Emîn Erdogan zî beşdar bîyî.

Sporkaran serkewtişê xo pare kerdî, Hemşaredara Amedî zî sporkar û ekîbê teknîkî pîroz kerdî û domdarîya serkewtişanê înan waşte.