Yewîna Sînemaya Sînebîrî ke girêdayeyê Serekîya Daîreya Kultur, Huner û Karanê Komelkîyan a, mabênê 14ê tebaxe-20ê êlule de Tîyatroyê Amfî yê Sumerparkî de do nîşandayîşanê fîlman ê serakerde yê bêpereyan organîze bikera.

Çalakî de ke do bi şîarê "Hamnanê Amedî sînema reyde beno şayîye" bêro kerdiş, do bi apêroyî 12 berhemî bêrê nîşandayîş; 6 fîlmê seba girdan û 6 anîmasyonê seba gedeyan.

Rojanê îneyî de fîlmê seba temaşekerdoxanê pêroyîyan, rojanê şemeyî de zî fîlmê seba gedeyan do saete 20.00 de temaşekerdoxan reyde bêrê têhet.

Bername do 14ê tebaxe de bi fîlmê "Valahî" dest pêkero. Nîşandayîşo ke do aşma êlule de zî dewam bikero, do 20ê êlule de bi anîmasyonê "Çeteya Birrî: Tûrê Dinya" biqedîyê. Heme nîşandayîşî do bêpere bibê.