Vîzyonê turîzmî yê Amedî Koreya Başûrî de ame daşinasnayîş
Hetkara Sekreterê Pêroyî Ozlem Tekîn beşdarê Kombîyayîşê Pêroyî yo 2. yê Torra Şaristananê Humanîstan a Dinya bîye ke Koreya Başûrî de ame organîzekerdiş û Şaredarîya Amedî ya Şaristanê Girdî endama aye ya; Tekîne vîzyonê turîzmê domdarî pare kerd ke pawitişê mîrasê kulturî û xurtkerdişê ekonomîya herêmkîye esas gêno.
Kombîyayîşê Pêroyî yo 2. yê Torra Şaristananê Humanîstan a Dinya (World Humanistic Cities Network – WHCN) 29–31ê teşrîna verêne de bi temaya “Dinyayêka ke Bedilîyena de Çi Mendebîyaye Yo?” şaristanê Andongî yê Koreya Başûrî de bîyo. Kombîyayîşî de ke tede pawitişê mîrasê kulturî û averşîyayîşo domdar ê şaristanan ameyî qiseykerdiş, Ozlem Tekîne bi dawetê torre Şaredarîya Şaristanê Girdî temsîl kerde.
Mîrasê kulturî û turîzmo domdar ame qiseykerdiş
Tekîne roniştişê “Mîrasê Kulturî û Turîzmo Domdar” de stratejîya turîzmî ya Amedî û têkilîya aye û ekonomîya herêmkîye qalî kerde; nêzdîbîyayîşê turîzmî yê şaristanî beşdaranê mîyanneteweyîyan reyde pare kerd ke pawitişê dewlemendîyanê tarîxî û kulturî esas gêno.
Amanc o yo ke piştîya turîzmî ya ekonomîya herêmkîye zêde bibo
Çarçewaya vîzyonê turîzmê domdarî yê Amedî de amanc o yo ke berhemdarê herêmkî, esnaf û taxî hîna zaf falîyetanê turîzmî ra îstîfade bikerê û feydeyê turîzmî seranserê şaristanî de vila bibo.
