Serekîya Daîreya Çapemenî Weşan û Têkilîyanê Şarî, verê Merkezê Cuya Wendekaran ê Unîversîteya Dîcle de stand rona ke wendekarê unîversîte hîna asan biresê xizmetanê şaredarîye. Standî de xebatkarê Daîreya Têkilîyanê Şarî bi taybetî wendekaranê neweyan reyde rî bi rî qisey kenê û waştiş, pêşnîyaz û hêvîyanê înan goşdarî kenê. Formê waştiş, pêşnîyaz û fikran zî yenê pirrkerdiş.

Cayê tarîxî û kulturî yê Amedî yenê daşinasnayîş

Pê broşuranê ke Serekîya Daîreya Kultur û Karanê Komelkîyan amade kerdê, cayê tarîxî û kulturî yê Amedî wendekaran rê yenê daşinasnayîş. Wendekaran rê bultenê çapemenî yê DBByî zî yeno dayîş û îkramî yenê kerdiş.

Derheqê piştîdayîşanê perwerdeyî de agahî yenê dayîş

Wendekarê ke reya verêne unîversîte de qeyd bîyî, derheqê piştîdayîşanê şaredarîye yê perwerdeyî yê û prosesanê muracatî de agahdar benê.

Stand do yew aşme akerde bimano

Standê “Şima Bixeyr Ameyî” do yew aşme xizmet bido ke wendekarî bieşkê waştiş, pêşnîyaz û fikranê xo biresnê şaredarîye.

Tadayox: Mehmet Olmez