Şaredarîya Amedî ya Şaristanê Girdî, verê musabeqaya Amedsporî ke do roja yewşemeyî Erzurumsporî reyde bikero, zere, dorûver û binawanîya Stadyûmê Amedî de xebata pakkerdişî ya hîra daye destpêkerdiş.

Çarçewaya xebatan de ke bi koordînasyonê Serekîya Daîreya Pawitiş û Kontrolê Cugehî goreyê esasê 7/24î yenê ramitiş, dorûverê stadyûmî de miqate, tamîr, birnayîş û viraştişê rayîrî yeno kerdiş.

Maçî ra dima zî do xebatê pakkerdişî dewam bikerê û do bêro cehdkerdene ke Stadyumê Amedî bireso cayêko pak biweşî.

Ekîbanê DÎSKÎ zî xetê binawanî û awa varanî pak kerdî û vera kombîyayîşê awe ke eşkeno bibo, tedbîr girewt.

Kampanyaya "Pê Keda Kolektîfe Şaristanê Pakî" ke bi amancê ke Amed bireso cugehêko pak û biweşî û warê cuye yê domdarî bêrê awankerdiş ame destpêkerdiş, seranserê şaristanî de zî dewam kena.