Şaredariya Bajarê Mezin a Amedê, ku cihên firotin û serjêkirina heywanên qurbanê diyar kir, ji bo ku gel di Eyda Qurbanê de xwe bigihîne xwarinên ewledar û bi awayekî paqijî û tenduristî heywanên qurbanan bikirin û serjê bikin, tedbîrên pêwîst girtin.
Şaredariya Bajarê Mezin, beriya Cejna Qurbanê bi beşdariya yekîneyên têkildar ên şaredariyên navçeyan civînek li dar xist. Di civîna ku li Salona Civînê ya Meclîsa Şaredariya Sûrê hat lidarxistin de, gavên ku ji bo welatî bê pirsgirêk Cejna Qurbanê derbas bikin hatin nirxandin.
Hemû tevdîr hatine girtin
Serokê Daîreya Karên Tenduristiyê Vahap Saçakli yê ku serokatiya komîsyona ku ji yekeyên pêwendîdar ên Şaredariya Bajarê Mezin û şaredariyên navçeyan pêk tê û ji bo xebatên amadekariya Cejna Qurbanê hat avakirin, wiha got: "Divê welatiyên me fedakariyê bikin. Sewalên xwe di Cejna Qurbanê de li hawîrdoreke paqij û saxlem bigirin û xwarinên xwe di hawîrdoreke paqij de peyda dikin. Me koordînasyonek ava kir da ku em bibînin ka em çawa dikarin tiştan bi tenduristtir bimeşînin. Me komeke danûstendinê ava kir da ku demildest destwerdanê bikin."
'Em bi hestiyar bin ku jîngehê qirêj nekin'
Saçakli diyar kir ku ji bo jîngeh qirêj nebe wan her cure tedbîr girtine û wiha got: “Ekîbên me yên parastina jîngehê dê bi têra xwe kîs û konteynerên çopê dabîn bikin. Em daxwazê ​​ji welatiyên xwe dikin ku qurbanên xwe bînin serjêxaneyên ku şaredariya me ji wan re amade kiriye. Werin em li noqteyên ku me diyar kirine heywanên xwe serjê bikin. Ew dikarin li vir ji hevalên me yên veterîner jî piştgirî bistînin."
Du tîm ji bo girtina heywanên reviyayî
Saçakli, da zanîn ku ji bo ku Cejna Qurbanê bi aramî derbas bibe wan her hûrgilî fikirîye û got ku ji bo girtina heywanên reviyayî du tîmên cuda ava kirine.
Zabite ji bo pêşî li serjêkirina derqanûnî bigire dê kontrolê bike
Midûriyeta Zabiteyan dê gelek caran li cihên serjêkirin û firotina sewalan kontrol bike, midaxeleyî muameleyên ku li derveyî cihên serjêkirin û firotinê bên kirin û welatiyên ku dixwazin biçin qadên serjêkirinê rê dide.
Ekîbên zabiteyan ji bo ku welatî di şeva cejnê û di roja ewil a cejnê de bi rehetî karibin serdana goristanan bikin dê li dijî firoşyar û parsekan jî tedbîran bigirin.
Li qadên serjêkirin û firotinê xebatên paqijkirinê
Midûriyeta Parastin û Kontrola Jîngehê jî dê bermahiyên ku li serjêkirin û firoştina qurbaniyan çêdibin biavêje. Her wiha dê hemû goristanên bajêr jî paqij bikin.
Ekîbên Midûriyeta Karûbarên Tenduristiyê dê li cihên serjêkirin û firotina qurbanan dezenfektekirin û kontrolkirina ajelan bikin.
Qadên serjêkirin û firotinê dê bi ava şid bên şûştin
Midûriyeta Agirkujiyê dê hemû qadên firotin û serjêkirinê yên heywanên qurbanî bi pompeyên avê û ava şid paqij bike.
Daîreya Koordînasyona Lêgerîna Rê û Binesaziyê dê kêmasiyên avahîsaziyê yên li qadên diyarkirî ji holê rake.
Li herêman wê kanî û destşok bên danîn
Midûriyeta Giştî ya DÎSKÎyê jî ji bo ku menfezên li qadên serjêkirin û firotinê nexitimin, wê li herêmê kamyoneke kanalîzasyonê hebe û tesîsên avê binirxîne û lavabayên destan li cihên diyarkirî bi cih bike.
Cihên serjêkirina qurbanan:
1-) Sur - Kamer-Et Kombinası - Li ser rêya Mêrdînê
2-) Sur - Güler-Et Kombinası - Li ser rêya Mêrdînê
3-) Sur - Büyükşehir Belediyesi Canlı Hayvan Borsası - Mardin Yolu Üzeri Canlı Hayvan Pazarı
4-) Bağlar – Beymir-Et Entegre Tesisleri San. ve Tic. A.Ş. - Övündüler Mahallesi OSB 8.Sokak No:29/1
5-) Bağlar - Tuna Hayvancılık Besi Çiftliği - Övündüler Mah. OSB 5.Sokak No:10/1
6-) Yenişehir - Üçkuyular Toplu Konut Pazar yeri
7-) Kayapınar - Şehir Stadyumu 1 No’lu Giriş Otopark Alanı – Talaytepe
Cihên firotina qurbanan
1-) Büyükşehir Belediyesi Canlı Hayvan Borsası Mardin Yolu Üzeri Canlı Hayvan Pazarı
2-) Büyükşehir Belediyesi Şehitlik Kömür Tevzi Sahası Etrafı
3-) Yeniköy Mezarlığı Karşısı Kurbanlık Hayvan Pazarı - Yeniköy Mah. (İskan Evleri)
4-) Kayapınar Şehir Stadyumu Karşısı - Laleş Bulvarı Kayapınar Talaytepe
5-) Yeşil Vadi Mahallesi Besi Çiftlikleri - Eski Mardin Yolu 10. kilometre